Eze 20 | Ndebele | STEP | Kwasekusithi ngomnyaka wesikhombisa, nge nyanga yesihlanu, ngolwetshumi lwenyanga, abathile babadala bakoIsrayeli beza uku za buza iN kosi , bahlala phambi kwami .

1 Kwasekusithi ngomnyaka wesikhombisa, ngenyanga yesihlanu, ngolwetshumi lwenyanga, abathile babadala bakoIsrayeli beza ukuzabuza iNkosi ^a, bahlala phambi kwami ^b.

2 Ilizwi leNkosi laselifika kimi lisithi: 3 Ndodana yomuntu, khuluma kubadala bakoIsrayeli, uthi kubo: Itsho njalo iNkosi uJehova: Lize ukuzangibuza yini ^c? Kuphila kwami, isibili kangiyikubuzwa yini, itsho iNkosi uJehova ^d.

4 Uzabahlulela yini, uzabahlulela yini, ndodana yomuntu ^e? Bazise izinengiso zaboyise ^f; 5 uthi kubo: Itsho njalo iNkosi uJehova: Ngosuku engakhetha ngalo uIsrayeli ^g, ngaphakamisa isandla sami kunzalo yendlu kaJakobe ^h, ngazazisa kubo elizweni leGibhithe ⁱ, lapho ngiphakamisa isandla sami kibo ^j, ngisithi: NgiyiNkosi uNkulunkulu wenu ^k. 6 Ngalolusuku ngaphakamisa isandla sami kubo ^l, ukuthi ngibakhuphe elizweni leGibhithe ^m ngibase elizweni engangibahlolele lona ⁿ, eligeleza uchago loluju ^{o
,} ^p, eliludumo lwawo wonke amazwe ^q. 7 Ngasengisithi kubo: Lahlani ngulowo lalowo izinengiso ^r zamehlo akhe ^s, lingazingcolisi ^t ngezithombe zeGibhithe ^u: NgiyiNkosi uNkulunkulu wenu ^v.

8 Kodwa bangivukela, bengavumi ukulalela kimi ^w, kabalahlanga ngulowo lalowo izinengiso zamehlo abo ^x, kabatshiyanga izithombe zeGibhithe ^y. Ngasengisithi ngizathululela ukuthukuthela kwami phezu kwabo ^z, ukuze ngiphelelise ulaka lwami ngimelene labo phakathi kwelizwe leGibhithe ^aa. 9 Kodwa ngakwenza ^ab ngenxa yebizo lami ^ac, ukuze lingangcoliswa emehlweni ezizwe ^ad, ababephakathi kwazo, engazazisa kubo phambi kwamehlo azo, ukubakhupha elizweni leGibhithe ^ae.

10 Ngakho ngabakhupha elizweni leGibhithe ^af, ngabangenisa enkangala ^ag. 11 Ngabanika izimiso zami, ngabazisa izahlulelo zami ^ah, okuthi nxa umuntu ezenza ^ai, uzaphila ngazo ^{aj
,} ^ak. 12 Ngabanika futhi amasabatha ami ukuze abe yisibonakaliso phakathi kwami labo ^al, ukuze bazi ukuthi ngiyiNkosi ebangcwelisayo ^am. 13 Kodwa indlu kaIsrayeli yangivukela enkangala ^an; kabahambanga ngezimiso zami ^ao, badelela izahlulelo zami ^ap, okuthi nxa umuntu ezenza, uzaphila ngazo ^aq; lamasabatha ami bawangcolisa kakhulu ^{ar
,} ^as. Ngasengisithi ngizathululela ukuthukuthela kwami phezu kwabo ^at enkangala ^au, ukuze ngibaqede ^av. 14 Kodwa ngakwenza ngenxa yebizo lami ^aw, ukuze lingangcoliswa emehlweni ezizwe ^ax, engabakhupha emehlweni azo ^ay.

15 Futhi lami ngabaphakamisela isandla sami enkangala, ukuthi kangiyikubaletha elizweni engangilinike bona ^az, eligeleza uchago loluju ^ba, eliludumo lwawo wonke amazwe ^bb; 16 ngoba badelela izahlulelo zami ^bc, kabahambanga ngezimiso zami ^bd, kodwa bangcolisa ^be amasabatha ami ^bf, ngoba inhliziyo yabo yalandela izithombe zabo ^bg. 17 Lanxa kunjalo ^bh ilihlo lami labahawukela ukuze ngingababhubhisi ^bi, futhi kangibaqedanga enkangala ^bj. 18 Kodwa ngathi kubantwana babo enkangala ^bk: Lingahambi ngezimiso zaboyihlo, lingagcini izahlulelo zabo ^bl, lingazingcolisi ngezithombe zabo ^bm. 19 NgiyiNkosi uNkulunkulu wenu; hambani ngezimiso zami, ligcine izahlulelo zami, lizenze ^bn. 20 Lingcwelise ^bo amasabatha ami ^bp, abe yisibonakaliso phakathi kwami lani, ukuze lazi ukuthi ngiyiNkosi uNkulunkulu wenu ^bq. 21 Kodwa abantwana ^br bangivukela ^bs; kabahambanga ngezimiso zami ^bt, kabagcinanga izahlulelo zami ukuthi bazenze ^bu; okuthi nxa umuntu ezenza, uzaphila ngazo ^bv; bawangcolisa amasabatha ami ^bw; ngasengisithi ngizathululela intukuthelo yami phezu kwabo ^bx, ukuthi ngiphelelise ulaka lwami ngimelene labo enkangala ^by.

22 Kodwa ngabuyisa isandla sami ^bz, ngenza ngenxa yebizo lami ^ca, ukuze lingangcoliswa phambi kwamehlo ezizwe ^cb, engangibakhuphe phambi kwamehlo azo. 23 Mina ngabaphakamisela isandla sami futhi enkangala ^cc, ukuthi ngizabahlakaza phakathi kwezizwe ^cd, ngibasabalalisele emazweni ^ce; 24 ngoba bengazenzanga izahlulelo zami ^cf, kodwa badelela izimiso zami ^cg, bangcolisa amasabatha ami ^ch, lamehlo abo alandela izithombe zaboyise ^ci. 25 Ngakho mina ngabanika futhi izimiso ezazingalunganga, lezahlulelo ababengeke baphile ngazo ^cj. 26 Ngasengibangcolisa kuzo izipho zabo ^ck, ekudabuliseni kwabo ^clemlilweni ^cm konke okuvula isizalo ^cn, ukuze ngibachithe, ukuze bazi ukuthi ngiyiNkosi ^co.

27 Ngakho, ndodana yomuntu, khuluma kuyo indlu yakoIsrayeli, uthi kubo: Itsho njalo iNkosi uJehova: Lakulokhu oyihlo bangihlambazile, ngokuthi baphambeke isiphambeko bemelene lami ^cp. 28 Lapho sengibalethe elizweni, engaphakamisela isandla sami ngalo ukuthi ngibanike lona ^cq, babona lonke uqaqa oluphakemeyo, lazo zonke izihlahla eziqatha, bahlaba khona imihlatshelo yabo, banikela khona isicunulo somnikelo wabo ^{cr
,} ^cs, bafaka khona iphunga labo elimnandi, bathulula khona iminikelo yabo yokunathwayo ^{ct
,} ^cu. 29 Ngasengisithi kubo: Iyini indawo ephakemeyo eliya kuyo ^cv? Lebizo layo lithiwa yiNdawo ePhakemeyo kuze kube lamuhla ^cw. 30 Ngakho tshono kuyo indlu kaIsrayeli: Itsho njalo iNkosi uJehova: Lizazingcolisa ngendlela yaboyihlo yini ^{cx
,} ^cy, liphinge lilandela izinengiso zabo ^cz? 31 Ngoba lapho linikela izipho zenu ^da, lapho lisenza amadodana enu adabule emlilweni ^db, liyazingcolisa ngezithombe zenu zonke ^dc kuze kube lamuhla. Mina-ke ngizabuzwa yini na, wena ndlu kaIsrayeli ^dd? Kuphila kwami, itsho iNkosi uJehova, isibili kangiyikubuzwa yini ^de. 32 Lalokho okuvela engqondweni yenu kakuyikuba khona ngitsho ^df, elikutshoyo ukuthi: Sizakuba njengabezizwe, njengensapho zamazwe ^dg, ukuthi sikhonze isigodo lelitshe ^dh.

33 Kuphila kwami, itsho iNkosi uJehova ^di, isibili ngizabusa phezu kwenu ngesandla esilamandla ^dj langengalo eyeluliweyo ^dk langolaka oluthululiweyo ^dl! 34 Ngoba ngizalikhupha ebantwini ^dm, ngiliqoqe emazweni elihlakazekele kuwo ^dn, ngesandla esilamandla ^do langengalo eyeluliweyo ^dp langolaka oluthululiweyo ^dq. 35 Njalo ngizaliletha enkangala yabantu ^dr, ngizaphikisana lani ^ds lapho ubuso ngobuso ^dt. 36 Njengalokhu ^du ngaphikisana laboyihlo enkangala yelizwe leGibhithe ^dv, ngokunjalo ngizaphikisana lani, itsho iNkosi uJehova ^dw. 37 Njalo ngizalidlulisa ngaphansi kwentonga, ngilingenise kusibopho sesivumelwano ^dx. 38 Ngihlanze ngikhuphe phakathi kwenu abavukeli ^{dy
,} ^dz lalabo abaphambeka bemelene lami, ngibakhuphe elizweni lokuhlala kwabo njengabezizwe ^ea, kodwa kabayikungena emhlabathini wakoIsrayeli ^eb. Khona lizakwazi ukuthi ngiyiNkosi ^ec.

39 Lina-ke, ndlu kaIsrayeli, itsho njalo iNkosi uJehova, hambani likhonze, ngulowo lalowo izithombe zakhe ^ed, langemva kwalokho, uba lingangilaleli; kodwa lingangcolisi futhi ibizo lami elingcwele ^ee ngezipho zenu langezithombe zenu ^ef. 40 Ngoba entabeni yami engcwele ^eg, entabeni yengqonga yakoIsrayeli, itsho iNkosi uJehova ^eh, lapho izangikhonza indlu yonke yakoIsrayeli, bonke elizweni ^ei; khona ngizabemukela ^ej, lakhona ngibize iminikelo yenu ^ek, lezithelo zokuqala zeminikelo yenu, lazo zonke izinto zenu ezingcwele ^el. 41 Ngizalemukela ngephunga elimnandi ^em nxa ngilikhupha ebantwini ^en, ngiliqoqe emazweni ebelihlakazelwe kuwo ^{eo
,} ^ep; njalo ngizangcweliswa phakathi kwenu phambi kwamehlo ezizwe ^eq. 42 Lizakwazi-ke ukuthi ngiyiNkosi ^er, lapho sengilingenise emhlabathini wakoIsrayeli ^es, elizweni engaliphakamisela isandla sami ukulinika oyihlo ^et. 43 Lapho-ke lizakhumbula ^eu izindlela zenu ^ev lezenzo zenu zonke, elazingcolisa ngazo ^ew; njalo lizazenyanya phambi kobuso benu ngenxa yazo zonke izinto ezimbi elizenzileyo ^ex. 44 Beselisazi ukuthi ngiyiNkosi ^ey, nxa ngenze kini ngenxa yebizo lami ^ez, hatshi njengokwezindlela zenu ezimbi ^fa, kumbe njengokwezenzo zenu zenkohlakalo, lina ndlu kaIsrayeli, itsho iNkosi uJehova ^fb.

Ilizwi leNkosi ngeningizimu

45 Ilizwi leNkosi lafika kimi futhi lisithi: 46 Ndodana yomuntu, misa ubuso bakho ngasendleleni yeningizimu ^{fc
,} ^fd, utshumayele ngaseningizimu ^{fe
,} ^ff, uprofethe umelene legusu lensimu yeningizimu ^fg; 47 uthi kilo igusu leningizimu: Zwana ilizwi leNkosi: Itsho njalo iNkosi uJehova: Khangela, ngizaphemba umlilo phakathi kwakho ^fh, njalo uzaqeda phakathi kwakho sonke isihlahla esiluhlaza laso sonke ^fi isihlahla esomileyo ^fj; ilangabi elivuthayo kaliyikucitshwa, kodwa kuzatshiswa ngalo bonke ubuso kusukela eningizimu kuze kufike enyakatho ^fk. 48 Futhi yonke inyama izabona ukuthi mina Nkosi ngiwuphembile, kawuyikucitshwa ^fl.

49 Ngasengisithi: Hawu, Nkosi Jehova ^fm! Bathi ngami: Kakhulumi imifanekiso yini ^fn?